Complicated

Paunawa;
Ang mga pangalan, lugar, pangyayari at iba pang detalye sa kuwentong ito ay kathang isip lamang ng may-akda at hindi tumutukoy sa sinuman, saanman at anuman sa tunay na buhay. Anumang pagkakahalintulad at pagkakatugma ay hindi sinasadya at walang pananagutan ang may-akda sa kalalabasan.

As in wala akong pananagutan kahit anong mangyari.

Sino Ang Maligaya Bukas?


Matagal nang may pagtingin si Yangga kay Genevive. Tatlumpu’t limang beses na niyang tinangkang magtapat sa kaibigan kaya lang maging ang sexual preference niya ay hindi pa niya masabi. Pareho silang miyembro ng isang girl group. Actually lima sila. Masaya ang clique nila kaya ganun na lamang ang takot ni Yangga na mabuking ang sikreto niya. Kapwa sila estudyante ng AB Psychology sa DLSU Dasma. Bukod pa rito, alam ni Yangga na ilang araw na lang at sasagutin na ni Genevieve si Ralph. Maaring bukas na nga iyon. Dalawang buwan na itong nanliligaw at malakas ang bulungbulungan na may pagasa ito sa dalaga. Todo emote nga si Yangga nang marinig niya ang balitang iyon.

Sa isang tahimik na lugar sa loob ng La Salle Dasma naroon ang magkakaklase ng AB Psych para sa isang research. Ang Aklatang Emilio Aguinaldo. Sa isang table nagbabasa ng isang makapal na aklat si Genevieve at sa likod niya naroon si Yangga. Nakatitig ito sa kanya na parang hindi alintana ang research work. Ganoon rin naman, sa likuran niya nakatayo habang nagi-scan ng mga libro si Enzo. Ang ganda ng panahon. Hindi masyadong malamig at hindi rin napakainit. Tamang-tama lang para mag day dreaming ang mga taong ito.

May tracking business ang Mommy ni Genevieve sa Gen Trias Cavite. From General Trias, halos isang oras din ang biyahe ni Genevieve bago siya makarating sa La Salle. Inihahatid siya araw araw ng Mommy niya maliban ngayon. For the first time, nag commute si Gen dahil may importanteng lakad ang Mommy niya. Mula sa General Trias, bumaba siya sa Pala Pala, Dasmarinas. Habang hinihintay ang jeep na may sign board na DBB-C papuntang Kadiwa, tinititigan ni Genevieve ang Billboard ng Bench kung saan naroon si Gerald Anderson at Kim Chiu. Nais niyang isang araw lumabas ang mukha niya sa Billboard doon at lahat ng pupunta sa Robinsons Place ay titingin sa mukha niya.
Pagbaba niya sa harapan ng La Salle, isang guardia ang nakangiting bumati sa kanya. Maganda ang entrance ng La Salle, parang mga tisa ang bakod nito. Animu’y pader ng lumang simbahan subalit pagpasok mo rito ay ang modernong facilities na tulad rin ng matatagpuan sa Manila. Down Town ang tawag ng mga taga Greenhills sa La Salle Dasma at La Salle Lipa. Pero hindi maikakailang lahat sila ay mga La Sallista, iisang dugo at may matataas na pangarap.

Isang Estonian doctor [psychiatrist] ang tatay ni Genevieve. Sa Estonia lumaki si Genevieve. Iniuwi lang siya sa Pilipinas noong 8 taong gulang na at inalagaan naman ng Lola niya sa Imus. Hanggang ngayon doon pa rin niya gustong tumira pero nasa General Trias ang Mommy niya. Exotic ang ganda ni Genevieve. Mahabang kulot ang buhok niya na katulad ng kay Goldilocks. Katulad ng sa isang manikin ang ilong niya. Kulay green ang mata niya at walang pekas ang balat. Isa sa mga dahilan kung bakit nahuhumaling ang mga binata sa kanya at ngayon ang isang tomboy. Lingid sa kabatiran ng marami, magaling ring sumayaw ng ballet si Gen. Nagaral siya nito noong nasa Europa pa siya dahil lahat ng kaklase niya sa pre school ay may ballet lessons.

Political science naman ang kurso ni Ralph. Gaya ni Gen at Yangga, graduating na rin siya this year. Hindi ganoon kayaman ang pamilya ni Ralph pero huwag ka, dream guy siya ng halos lahat ng babae sa College of Liberal Arts. Matunog ang pangalan niya para sa Magna Cum Laude. President siya ng isang org. Salutatorian siya noong Elementary at Valedictorian noong high school. Naging SK Chairman siya sa Silang at lingo-linggo nasa opisina siya ni Aring Poblete para sa meeting, o kaya magpapapirma, o to say hello lang. Limang beses nang nanalo sa male pageant si Ralph sa Silang at dalawang beses sa La Salle, hindi pa kasama doon ang iba’t ibang awards sa di niya napagwagian. Saulo na rin ni Ralph ang mga kalye sa Poblacion ng Silang. Papaano’y tuwing Mayo kasi escort siya sa lahat ng sagala. Minsan ang reyna Elena, minsan sa reyna emperatris at pati na yata reyna ng generator sa likod ng anda naging escort na siya. Eagle scout din si Ralph. Wala itong pinalampas na jamboree na hindi niya naattendan. Puro butas na nga ang scout uniform niya sa dami ng pin na isinasaksak rito. To top it all, magkasama sila ni Genevieve noong piyesta ng Silang two weeks ago. Nagkarakol na nakapaa ang mama ni Ralph na taon-taon nitong ginagawa. Kumain muna sa Jollibee ang dalawa pagkatapos ng misa. Noong gabi ng bisperas, sumakay sila sa caterpillar ride noong magtungo sila sa perya. Nanggagaling sa likod nila ang ingay mula sa mga Balubad boys na ang lalakas tumili. Makalawang na ang rides. Kaunting bilis pa at baka magkalasug-lasog ang sinasakyan ng dalawa. Mahal na mahal na ni Gen si Ralph as in hulog na hulog na ang loob niya dahil boy friend material nga ang binata. Ito ang na-realize niya habang nakasakay sila sa caterpillar at pinapagaspasan ng hangin ang kulot at kulay brown niyang buhok. Ang hindi niya alam, wala talagang nararamdaman sa kanya si Ralph. Perte ito ng malaki niyang disguise para ma-please ang mama at papa niya. Contract worker sa Saudi ang papa ni Ralph. Sa tuwing mag skype sila, ang tanong lang ng ama niya ay kung may accomplishments nanaman ba ito sa school, mataas ba ang grades niya, may awards ba siya, at kung may maganda na ba siyang girl friend. Hindi anak ang kailangan ng ama niya kung hindi isang trophy. Isang malaking trophy. Kailangan maging mayor siya ng Silang pagdating ng araw, maging summa, at magkaroon ng isang maganda at artistahing asawa. Laging ipinaaalala yan ng papa niya sa texts, sa tawag, sa e-mail at bago sumakay ng eroplano paalis ng bansa. Kung iisipin, hindi sila talo ni Gen at dapat ay sisterette pa nga sila. Ang nais niya talaga ay maging stylists sa parlor ni Emma Ruth. Oo bakla si Ralph. At balak niya itong itago habang buhay para lang huwag magwala ang papa at mama niya.

Si Yangga ang tunay na nagmamahal kay Genevieve pero sa takot na masira ang pagkakaibigan nila, hindi niya ito maamin. Ngayong gabi, bibili na ng isang boquet ng daffodil si Yangga upang maipagtapat na niya bukas, araw ng mga puso, ang nararamdaman. Namatay sa panganganak kay Yangga ang Mommy niya. Hepe ng Pulis sa Noveleta ang Daddy niya. Dating member ng SWAT ang tito niya bago maputukan ng labintador na sumira sa kamay nito. Nasa Philippine Coast Guard naman ang kuya niya. Ang mga ito ang kasama niya sa bahay. Sila ang pamilya ni Yangga. Wala namang rason para itago niya ang kasarian pero asiwa talaga siya sa pagiging tibo. Kaya pilit siyang nagdadamit babae, kilos babae at sumasama sa maiingay na babae sa may corridor papuntang Tanghalang Julian Filipe. Noong una, tinuturuan lang niya ng malalim na tagalog si Gen pero paglaon dahil sabay sila sa lunch at laging magka-group sa mga projects, nahulog na ang loob niya sa kaibigan. Kapag sinasabayan ni Ralph si Gen gusto niyang kumuha ng grenade launcher para itaboy ang binata pero wala naman siyang magawa. Matanggap man o kamuhian, handa siya sa kahihinatnan ng pagtatapat niya bukas.

Habang pinagpaplanuhan ni Yangga ang paglaladlad niya bukas, nakatitig sa kanya ang lalaking nakaupo sa likuran niya. Ang lalaking nagmamahal sa kanya—si Enzo. Matagal nang pinagiisipan ni Enzo na aminin ang nadarama niya kay Yangga. Alam naman kasi niyang walang nanliligaw kay Yangga at hindi ito nag-eentertain ng lalaki. Walang ibang lalaki sa buhay ni Yangga liban sa tatay niya, tito niya, at kuya niya. Iniisip ni Enzo na may pagasa siya kahit papaano. Dating kumukuha ng Engineering si Enzo pero dahil mahina talaga sa Math, nag shift siya sa Psychology. Medyo disappointed ang step Mom niya na siyang nagpalaki at nagpapaaral sa kanya. Mestisuhin si Enzo. Pinatitingkad ng mga balbas niya ang kaputian ng mukha niya. May kalakihan ang panga. Matangkad. Basketball player din siya at nagnanais na makapasok sa Green Archers. Hindi rin pumapalya sa gym si Enzo. Ngayon ay maganda na nga ang hubog ng katawan niya. Lagi itong nanunuod ng UFC. Hunk talaga kung susumahin. Isa ito sa dahilan kung bakit buo ang loob niyang magsabi kay Yangga ng tungkol sa feelings niya. Hindi pa man pumapayag, nagpareserba na si Enzo ng isang native restaurant sa Alfonso, malapit sa bahay nila, para sa date. Napaka-mahal ng pareserba roon kapag February. Walang patumanggang gumastos sa Enzo kahit hirap na sa trabaho ang step mother niya. Isang taon na rin ang lumipas mula noong makipag break siya sa dati niyang girl friend na taga- Cavite State University. Ngayon umaasa muli si Enzo na may magbubukas ng puso para sa pag ibig niya at inaakala niyang sa Yangga yun.



Sa labas ng library, naghihintay si Ralph kay Genevieve. Kaway ng kaway sa Genevieve kay Ralph, bukas sasagutin na niya ito. Lubusan naman ang panggagalaiti ni Yangga na nais makipagbakbakan sa may labasan. Gayunpaman, kahit kumakaway si Genevieve kay Ralph, plastic ang ngiti ng binata. Sa isang tao lang nakapako ang mga mata ni Ralph, ang taong kailanma’y hindi niya maaangkin—Si Enzo.